Independent Media Centre Ireland     http://www.indymedia.ie

Slua mór amuigh ag tacú le Naonúr Raytheon

category antrim | anti-war / imperialism | news report author Tuesday May 27, 2008 13:52author by Ciarán Ó Brolcháin

Bhí slua mór daoine, cuid mhaith acu a tháinig ó Bhaile Átha Cliath agus ó Dhoire agus ó áiteanna eile, taobh amuigh de Chúirteanna Cois Lagáin i mBéal Feirste ar maidin ag léiriú a gcuid tacaíochta le Naonúr Raytheon a bhí os comhar na cúirte arís inniu.
dscf5741.jpg

Bhí líon maith den lucht frithchogaidh taobh amuigh den chúirt inniu, ag maíomh nach coir é bac a chur ar choir cogaidh. Labhair Eamonn McCann, duine den naonúr, labhair sé faoin triail agus an gá le tacaíocht a thaispeáint - chan amháin don naonúr ach do na pobail éagsúla ar fud na cruinne (agus sa Domhan Arabach go háirithe) a fhulaingíonn mar gheall ar na hairm a dhéanann Raytheon.

Labhair Colm Bryce, duine eile de Naonúr Raytheon, agus luaigh sé go raibh George Bush - an coirpeach cogaidh is mó ar domhan - le teacht go Béal Feirste ag tús mhí Meithimh agus go raibh dualgas orainn ar fad cinntiú nach bhfuil fáilte roimh a lethéid de dhuine i mBéal Feirste, dúirt sé agus go mbeadh Naonúr Raytheon ar chéad líntí na hagóide ina éadan (más rud é nach mbeidh siad ina n-aoi ag an stát faoin am sin).

Agus daoine ag dul isteach sa chúirt le tacaíocht a léiriú agus an triail ar bun, léadh amach liosta de na grúpaí i gcóngar agus i gcéin a sheasann i ndlúthpháirtíocht le héacht an Naonúir - grúpaí ón Airgintín agus ón Nua-Shéalainn ina measc.

dscf5738.jpg

dscf5728.jpg

dscf5731.jpg

dscf5733.jpg

Comments (1 of 1)

Jump To Comment: 1
author by Lara Hillpublication date Thu Jun 05, 2008 13:08author address author phone

Go raibh maith agat Ciarán as ucht do phíosa nuacht agus na grianghrafanna. Aithníonn mé cúpla cairde ó BAC sna grianghrafanna! Bhí díoma orm nach raibh mé in ann taistil go dtí Béal Feiriste ach an obair....Beir bua!


http://www.indymedia.ie/article/87731

Indymedia Ireland is a media collective. We are independent volunteer citizen journalists producing and distributing the authentic voices of the people. Indymedia Ireland is an open news project where anyone can post their own news, comment, videos or photos about Ireland or related matters.